吳綺莉和卓林母女關係又陷僵局！據消息指昨晚吳綺莉報警尋女，聲稱有人被反鎖在油麻地屋內，擔心屋內有人遇害，消防趕至後發現虛驚一場，警方調查後列誤會處理。今午卓林接受《蘋果》電話訪問表示：「其實係我阿媽報警，我都唔知佢想點。」

今日傍晚6點半，吳綺莉獨自駕車返家，戴了黑框眼鏡遮素顏，樣子殘爆，記者問到有傳她用警力搵女，吳綺莉卻發出「嘻嘻」兩聲笑！對於卓林表示唔明媽咪點解報警，吳綺莉聞言即急行加快腳步：「唔該晒！辛苦晒。」問到目前母女關係是否不好？吳綺莉只說：「拜拜！」即急步上樓；隨後記者再聯絡吳綺莉，問到昨晚是否擔心卓林出事故報警？她以短訊回覆：「不講了，謝謝。」

至於卓林和同性妻子Andi就拖狗到果欄，兩人於6時15離開油麻地寓所，卓林着白衛衣染了橙色頭，兩人好恩愛拖手行到果欄買生果，「一家三口」過正常人生活，卓林和Andi挑選了蘋果、火龍果，又試食其他生果，沿路有人認到她：「呢個咪成龍個女。」兩人在果欄行了一圈，買了約100元生果後離去。

記者上前問卓林，昨晚媽咪報警有冇無奈？她坦言：「都有㗎，但ok嘅，冇辦法，我都試吓同佢溝通多啲！」問會否搵媽咪溝通改善關係？卓林說：「暫時都係透過網上或WhatsApp。」她表示事發至今仍沒致電媽咪：「因為噚晚好忙，搞到好夜先瞓。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
3月28日 10am-11pm《MINI GAME大挑戰》
玩小遊戲隨時送你去任何地方嘅來回機票
https://bit.ly/2WigzsG