【新增內容及圖片】
韓國「長腿Oppa」李敏鎬去年5月入伍，以社會服務要員（即公益兵）身份當兵，當時李敏鎬係先履行公益兵任務，再等兵務廳安排訓練日期，今日李敏鎬就要到忠清南道論山陸軍訓練所報到，接受四周基礎軍事訓練後再回歸原先嘅工作崗位。

李敏鎬所屬事務所今日就指喺訓練所外唔會有特別安排，李敏鎬將會安靜咁進入訓練所，預計李敏鎬將於明年5月退伍。

雖然李敏鎬想低調入訓練所，但現時訓練所門外仍有粉絲等候佢，不過今日就下起雨來，有粉絲就包車留守喺訓練所外，希望一陣可以見到Oppa一面。而李敏鎬都知粉絲好掛住自己，所以就喺Instagram大晒自己嘅新照，當中佢仲將頭髮剪成平頭裝。而李敏鎬今日乘車子入訓練所，佢見到門外冒雨等候嘅粉絲，都即時打開車窗同現場粉絲揮手，大晒親民。

另外，李敏鎬同「國民初戀」秀智去年11月分手，秀智上周才被爆撻着《鬼怪》「地獄使者」李棟旭，兩人被爆戀情後亦火速認戀。

更多韓流，喺晒《娛果》
http://fb.com/appledailyent