「華心」今日結婚，除咗峇里浪漫醉人情景做襯托，出席嘅嘉賓亦陣容鼎盛。當中有快嚟快去嘅舒淇，而今日突然喺婚宴場地出現嘅小燕子趙薇，加埋之前到嘅金鎖范冰冰，連埋新娘子紫薇，「還珠幫」終於齊腳。

至於其他明星來賓仲包括胡歌、周迅、吳奇隆、劉詩詩、劉濤等。婚禮主題為「撥動愛的心弦」，場地佈置就採用林心如最愛嘅粉色系列，而花瓣串成嘅夜來花花串，隨風飄動，加上舞台中心嘅雙層心形花架，十足油畫一樣，情景令人心弦！