出櫃女歌手何韻詩與密友鄧九雲嘅戀情真係甜如蜜，今日係鄧九雲31歲生日，阿詩今早就喺微博貼咗幅畫，祝對方生日快樂，仲話：「生日大快樂小姐9跟小姐。」

其實呢幅畫名叫《小姐狗與流氓貓》，於21號當日喺鄧九雲個微博，已經出現過；至於喺Instagram入面，仲見到一幅「貓狗對話圖」，當中講述貓同狗，喺19年先一遇嘅元宵加情人節嘅甜蜜趣事，不過邊個係貓？邊個又係狗？大家自己估吓啦﹗