盧偉聰日前叫市民相信警方會追究到底，又稱「會做出嚟畀大家睇」。但翻查資料，警方如出重手打擊，幾近可以反轉黑幫地盤。2003年黑幫分子「佐敦之虎」因被查身份證時豪言「12點鐘後佐敦道我話晒事，邊個唔識我！夠膽就同我哋隻揪！」警方被指顏面掃地，時任處長曾蔭培下達「打擊黑社會絕不手軟」指令，動員港九新界五個總區的反黑組、重案組、情報科等部門，12小時內掃蕩區內夜店，翌晚警方再於油尖旺展開大規模反黑行動，拘捕多達69人。
今年6月初，灣仔警總及跑馬地警署外先後遭歹徒投擲汽油彈，調查後發現疑犯有新義安背景，警方隨即動用半百警力在西九龍區搜查多間由新義安「睇場」的娛樂場所。警方更高調安排警員在大廈地下登記出入男女的身份證資料，甚至出動警犬在大廈內協助搜索。至於元朗，本周一晚警方曾前往區內酒吧及娛樂場所查牌，但由於前晚流傳再血洗元朗說法，頓變死城。知情者稱，「搞事嗰班都着晒草」，所以區內夜場本身已水盡鵝飛。
■記者歐陽聯發