都唔會買樓。首次置業，一定要帶點儍氣，就千祈唔好儍。

以下是fb全文：

有年青朋友去年同我講打算上車，我叫他小心之餘，還送了一本「細價樓爆煲論」給他，最後，他亦沒有買樓。

到最近我再見到那位年青朋友，口多多問他在最近有沒有睇樓，因為，如果打算買樓，現在有很多銀主劈價盤出現，比市價低兩成都有不少，唔買二手樓，可以考慮買新樓。農曆新年後，大約有二千多個新樓單位推出市場，地產商一定想盡辦法推銷，當中的不二法門就是減價或者增加優惠，唔需要尋寶，根本一地都是寶物。

我以為年青朋友一定會話已經做足功課，有合適的單位就會立刻上車，誰不知他竟然長篇大論話世界形勢有變，利息趨升，人民幣貶值，連索羅斯都唱衰香港及中國，實在不適宜置業，我苦笑話去年就夠膽上車，今年，樓價已經落了不少，反而唔敢上車。

在去年，爆煲論的確令到不少人暫時停止上車，所以，物業代理話成交慘過沙士，但那些打算上車人士購買力並沒有消失，有一些已經蠢蠢欲動，老實說，首次置業的人一定是有多少蠢，或者帶點儍氣，凡事算得太盡，倒頭來又上唔到車。

去年，我寫爆煲論，因為除了是樓價太貴之外，知道供應將會大幅增加，如果能夠忍手，今年，所持有的購買力就會大大增強，亦是上車好時機，雖然，樓價有可能繼續下跌，但跌幅亦不會太大，地產商無理由做蝕本生意，而一般二手樓業主持貨力甚強，待劈價盤消耗得七七八八，樓價便會穩定下來，個人置業如果連結到世界大事，就一世都唔會買樓。

首次置業，一定要帶點儍氣，就千祈唔好儍。