王子涵從來只會被人稱呼為王晶的女兒，有多少人可以直接念出她的名字？子涵的已故爺爺是受人尊敬的前輩王天林，還有爸爸在電影圈拍過無數賣座電影，就算是一個普通不過的女孩，也絕對有權發明星夢。這個夢，她正在發，但她希望不靠父蔭，憑個人努力達成夢想。

有無形壓力

子涵坦白說：「想入行想咗好耐，但我唔可以搵靠山幫我，爹哋絕對可以開部戲畀我做女主角，到時大家會覺得我做得好係應該，但做得唔好咁點算？咪一沉百踩！我唔想靠關係，想用自己個網絡去識人，攞多啲機會。」至於當晶女郎，她卻說：「我邊夠資格？個個晶女郎資質都好過我，一山還有一山高，呢樣我知嘅。」
成長於電影世家，難免有無形壓力，子涵說：「爹哋同爺爺都咁犀利，我姑姐都係導演，屋企有太多大學生，媽咪、家姐都讀到MBA，爹哋都中大畢業啦！成家都咁叻，所以我最低都要求自己要讀完大學。」
採訪：魯萍
攝影：陳俊強
場地：Haloha