韓國男星朴海鎮因拍攝神劇《來自星星的你》、《奶酪陷阱》等而受歡迎，今日更有報道指杜莎夫人蠟像館為朴海鎮製作蠟像，並於下月進駐香港杜莎夫人蠟像館嘅「韓流專區」，力證其人氣，到時朴海鎮更會親自現身，為自己嘅蠟像揭幕。

蠟像館方面負責人表示：「韓流專區設置至今，先後為裴勇俊、金秀賢、miss A成員秀智、Super Junior成員崔始源等共8位韓流明星製作蠟像，為紀念韓流專區設置2周年，今次將加入朴海鎮嘅蠟像，對於朴海鎮參與製作，我哋亦感到非常榮幸。」為咗製作蠟像，蠟像館嘅專家去年親身飛到韓國，與朴海鎮進行溝通及進行尺寸測量等工作，度身過程足足用咗7個鐘，認真花心機。