當年今日
關於我們

宇晴軒流通率新晉之冠

蘋果日報 2006/06/08 08:00


近年港九新界各區多咗一批大型住宅屋苑落成,仲好快咁成為區內指標。據中原地產分析,5月份十大新晉屋苑二手交投都幾活躍,成交宗數創8個月新高。
十個新晉屋苑5月成交有231宗,比4月多咗差唔多22個巴仙。當中,長沙灣宇晴軒因為發展商仲有新盤賣緊,支持二手交投達到44宗,比4月份大幅攀升2.7倍,而且宇晴軒嘅二手流通比率,亦都去到1.93個巴仙,係十大新晉屋苑中最高嘅。當然,有咁嘅成績,亦要多得發展商一手促銷手法唔似其他咁顛,否則個二手市況可能要改寫。
至於其他二手流通率比較高嘅新晉屋苑,好似有荃灣半山嘅朗逸峯,有1.17巴仙、土瓜灣傲雲峰有1個巴仙,而長沙灣昇悅居同將軍澳維景灣畔同樣錄得0.86巴仙。