李居明監製兼主演《大迷信之3潮爆開運王》，首日開畫為6.2萬元票房，李居明、江美儀、河國榮同林寄韻噚晚到旺角朗豪坊為電影謝票，李居明今次上映都係得十間，好多戲院得一場，佢話：「但係今日入座率九成，成績都好好，所以來謝票，啲觀眾握手嗰時，我都好激動，25年前為咗呢套戲喊，25年又繼續再喊。」

李居明好多謝江美儀、河國榮同莊思敏收友情價，收封利是來拍，如果收得，會封大利是俾佢哋。李居門又話《大迷信》會拍第四集，係講剃道，講人上山前做7日和尚，搵咗冇宗教信仰嘅河國榮演，下星期開鏡，河國榮話：「自己未試過，好期待，去過好多廟宇，有間係為動物超渡，拍嗰日，隻狗啱啱火化，自己會唔敢睇番嗰幕，到時會避席。」

精選娛聞，喺晒《娛果》
http://fb.com/appledailyent