Shine今日喺觀塘出席演唱會記者會，佢哋會喺除夕同元旦兩日搞騷，但門票已經爆滿，只剩番元旦單丁位，反應真係好熱烈。

Shine話安排緊用7位數字買個玩具嚟紅館，送畀現場每個觀眾，又可以帶返屋企，但因為未成事，所以唔透露住。至於今次個騷會搞三面台，佢哋仲賣關子話到時會大談感情事，至於會唔會請舊愛楊愛謹捧場？天佑話：「佢成日都嚟睇我哋啲嘢啦，上次都有做嘉賓。」至於邊個感情史豐富啲？天佑即話梗係又南啦。