神劇《太陽的後裔》男女主角宋仲基、宋慧喬將於下月31號結婚，早前雙宋被捕獲到合體飛去美國洛杉磯，疑似係為咗於當地拍攝婚紗相。據知雙宋由洛杉磯轉機去三藩市拍攝，之後再返去洛杉磯。

雖然日前有傳喬妹已單拖返韓，不過其實二人仲齊齊留喺美國，只係喬妹非常低調，未被影到相。日前再有網民表示喺洛杉磯捕獲到雙宋，仲公開短片指片中人係雙宋，透露當時二人正甜蜜食緊早餐。

另外，又有網民留言表示喺洛杉磯見到雙宋散步，指二人非常恩愛。