今晚第四屆amfAR慈善晚會喺邵氏影城舉行，鄭雨盛、吳尊、李瑞鎮、崔始源、楊紫瓊，邢嘉倩等等都有到場。邢嘉倩就捧住巨肚現身，佢就透露5月就生BB。

崔始源一嚟到就用廣東話同大家打招呼，又透露五月喺澳門會有一個騷，會同Super Junior一齊做，問到幾時會嚟香港做騷，佢就話各方面都準備緊。

楊紫瓊佩戴近2千萬De Beers鑽石珠寶出席，佢話好耐冇返香港，最近都忙住喺美國同多倫多拍電影同電視劇，依家就拍緊《星空奇遇記：發現號》嘅第二季。講到拍嘅電影會唔會有打戲，佢就話都有，不過喺美國打會舒服啲，問到依家係咪錫身啲，佢就話自己每次打都會盡力，因為出到嚟效果唔好的話，佢都會唔開心，加上同八爺合作好多次，如果冇盡力，八爺都會睇得出。

精選娛聞，喺晒《娛果》
http://fb.com/appledailyent