【藏偽鈔案】
【本報訊】《樹大招風》道具領班張偉全因管道具銀紙被判罪成，電影業即成驚弓之鳥。雖然金管局指業界製作道具鈔前可向局方申請，但有製片分享早前循正常程序申請卻不獲批准，最後只好用真鈔。
自從2009年畢業後就從事電影、電視拍攝工作的Monet，去年去信金管局申請列印道具鈔被拒絕電郵昨在網上流傳。
Monet接受《蘋果》電話訪問時指，去年為一部電影擔任執行製片，需要道具鈔拍戲，當時已有官司在身的全哥提醒，記住要向金管局申請。她說：「咪上金管局網頁搵囉，搵勻都冇，仲有個留言電話，最後咪係去年10月9號send咗個email去問。問題係『想詢問申請列印港幣作電影拍攝用途』，到18號佢哋覆我話唔得。」
Monet最後致電電影服務統籌科（FSO）求助，統籌科提供了一名金管局職員電話，但因開拍時間逼近，最後Monet用真鈔上陣：「唔係好多箒，面個浸先用真錢，下面個啲唔使。」她又指，日後需用道具鈔時仍會嘗試申請，以免招惹官非，「不過你要話畀我知點申請先啦，我想查都冇地方查詢到，報紙登個啲又唔知係咪，所以金管局應該official出一個指引教人點申請。」

指無所適從

判決一出，網民即翻炒彭浩翔執導的《低俗喜劇》中，警員質疑道具鈔製作逼真的一幕。彭接受《蘋果》訪問時坦言：「申請唔緊要，你畀人知個程序，咪照做囉。現在申請又話唔批真係唔知想點。」但他相信業界會與政府討論，拍戲亦不會避開鈔票鏡頭。
另外，《蘋果》得悉，道具銀紙偽鈔案首被告羅潤霖前年因捲入一宗中介詐騙案，警方才意外發現其妻的座駕及道具領班張偉全的公司有涉案共逾萬張道具「金牛」。警方亦懷疑道具「金牛」已流出市面，因2015年已有清潔女工拿號碼相同的同款道具金牛到銀行「兌換」。女工向警方稱道具金牛是一年前在垃圾房一條被扔棄的牛仔褲褲袋發現，最終她沒被檢控。羅涉及的中介詐騙案仍在調查。
■記者羅繼盛、何永寧