今日鄭俊弘與何雁詩結婚大日子，陳瀅、陳嘉寶（Anjaylia）、賴慰玲、蔡思貝、Super Girls的吳嘉熙（Cheronna）等組成姊妹團送嫁，蔡思貝與陳瀅一起受訪時透露，早上接新娘及斟茶等儀式都非常順利，問到是否收了大大封的開門利是，陳瀅笑言：「係，天文數字，拎落好重手，8位數！收到利是就嘩咗一聲，見到暈一暈。」但鄭俊弘則指這個畀開門利是的儀式，就似做慈善節目的交接支票儀式。

問到今朝接新娘的遊戲環節，她們指都是做掌上壓和要求兄弟團夾氣球那些，遇上要用敏感部位夾波時爆笑料，而蔡思貝與陳瀅特別提到鄭俊弘要上美人魚裝唱動畫《美人魚》的主題曲，陳瀅大讚鄭俊弘好sweet，蔡思貝接着稱：「頭先一起歌，阿Fred（鄭俊弘），佢自己都『桔梗』呀！」（編按：應為哽咽），她續指場內人士都受鄭俊弘影響。陳瀅指蔡思貝眼淺，好易被觸動，而陳瀅亦指聽到鄭俊弘講愛的宣言及唱情歌時好感動，也有眼濕濕。

蔡思貝另指見到何雁詩父親將女兒的手交給鄭俊弘時，感受到家庭溫暖，好感動。陳瀅就爆何雁詩父親全日都好開心，跳跳紮滿場飛，原來今日是何父農曆70大壽的大日子，加上女兒出嫁，真正雙喜臨門。

問到蔡思貝和陳瀅會否搶花球？她們笑言為了效果一定會幫手搶。上次陳瀅在陳嘉寶的婚禮上也搶到了花球，她表示那一次不算是主動去接花球，而且已是3年前的事，但都沒任何變化，所以今年會再試搶，但睇好下一對結婚的姊妹是Cheronna。

而陳嘉寶就與賴慰玲及Cheronna受訪，她們透露早上的簽紙儀式好感人，她說：「當Fred（鄭俊弘）讀完誓詞望返轉頭，姊妹全部望上天花板，因為個個眼濕濕，又驚整花個妝。」Cheronna表示幾姊妹平時各有各忙，難得齊人，今日就好似自己妹妹出嫁：「好感動呀，見Fred唱完歌好激動，眼濕濕。反而新娘子好chill，冇乜點理，係我哋班姊妹比佢仲緊張。」

賴慰玲爆何雁詩在上星期接她的囝囝放學時，一臉幸福，問到可會祝福一對新人快點開枝散葉？她說：「我可以借自己個仔喺佢哋張床度跳吓，我個仔幾靈㗎，uncle聽到都好開心，話叫佢（囝囝）快啲去床上跳，希望願望成真。」Anjay即笑說：「佢個仔真係好靈，我係其中一個，有時去我度，佢個仔喺我張床跳吓，我就有咗。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！