【上車好難】連詩雅物色好人合資置業 冇諗買樓結婚
蘋果日報 2019/11/22 15:25
連詩雅置業說分手
- Shiga不排除有機會與人合資置業，不過事關錢財，令她卻步。
- Shiga為配合新歌的Rock味，她特意穿得型格一點。
香港人置業上車難，如果情侶想組織家庭，必要先面對這問題，原來連詩雅（Shiga）坦言有想過跟朋友合資買樓，但涉及金錢瓜葛，要先了解對方人品才可行。
Shiga今日到商台宣傳新歌《說分手》，為配合新歌的Rock味，她特意穿得型格一點，首歌是帶出若果面對無法繼續的愛情，不如灑脫說分手，問她是否能說到做到？她說：「細個時還可以，大個就覺得感情同拍拖總會牽連到啲嘢一齊，好似共同養貓狗，生活共同嘅嘢。」
Shiga又強調媽咪不允許她過同居生活，但不排除有機會合資置業，不過又顧慮到跟人有金錢掛勾便變得複雜，她說：「試過有相識十幾年好朋友，佢問我借咗5位數金錢，之後就變成另一個人。」所以令她領悟出結交朋友最重要是人品，問到男友徐浩人品如何？她說：「人品好好，兩個人相處有嘢加埋。」講到男友人品好豈不是可以合資置業，她哈哈大笑說：「我驚佢會擔心我多啲，呢啲都係結婚先講，不過過咗30歲後，我覺得結婚距離我越嚟越遠，因為轉咗新公司後，好多嘢想試。」明年入行10周年，希望有些紀念活動。
採訪、攝影：馬建華