長實（001）與市建局合作的長沙灣丰滙，今年公布首批108伙價單，售價369.6萬至987.3萬元，實用呎價9552元至14146元。記者在深水埗訪問該區居民，都認為價格太高。

吳先生表示:「幾貴，深水埗不嬲多貧苦大眾，在物價不停上漲情況下，樓價係咪要低啲，顧及基層市民。」

李小姐表示:「丰滙價錢好貴，呢個舊區，就算重建都唔值呢個價錢。我有能力會換靚樓，唔會揀呢區，除非價錢好吸引，但宜家價錢唔吸引，呢區啲樓無理由貴到900幾萬。」