中環在線：
滙豐推face ID勸青春期 雙胞胎 勿用 - 李華華
蘋果日報 2017/12/11 05:20
中環在線匯豐青春期人臉辨識大細孖
銀行近年推指紋認證，登入手機銀行功能比以前方便好多，不過Apple嘅iPhone X取消咗指紋認證功能，但新增咗人臉辨識（facial recognition），滙豐決定跟機，不過戴咗個頭盔，就係正值青春期嘅，或者有雙胞胎、有似樣嘅兄弟姊妹嘅你，就最好唔好用喇。
iPhone X嘅人臉辨識功能喺國外都有唔少被破解嘅例子，畀人開到電話唔緊要，開到銀行戶口就大件事，所以滙豐喺使用條款（T&C）都好小心，提醒要做好預防措施，防止欺詐。
滙豐寫到明，如果閣下有雙胞胎或者長相相似嘅兄弟姊妹，就千祈唔好用人臉辨識功能作為認證之用；另一樣係如果閣下正值青春期（adolescence），由於臉部特徵仍然處於「迅速發育」嘅階段，都係唔應該用嘅。
iPhone X嘅人臉辨識功能喺國外都有唔少被破解嘅例子，畀人開到電話唔緊要，開到銀行戶口就大件事，所以滙豐喺使用條款（T&C）都好小心，提醒要做好預防措施，防止欺詐。
滙豐寫到明，如果閣下有雙胞胎或者長相相似嘅兄弟姊妹，就千祈唔好用人臉辨識功能作為認證之用；另一樣係如果閣下正值青春期（adolescence），由於臉部特徵仍然處於「迅速發育」嘅階段，都係唔應該用嘅。
滙豐寫到明，如果閣下有雙胞胎或者長相相似嘅兄弟姊妹，就千祈唔好用人臉辨識功能作為認證之用。資料圖片
宜用App化流動保安編碼
咁唔用嘅話，又有咩選擇呢？滙豐就話，可以考慮吓用流動保安編碼，密碼以獲取保安編碼代替，即係已經「App化」咗嘅保安編碼器，登入手機銀行戶口都方便嘅。
成日提醒銀行注重風險嘅金管局又點睇呢？發言人就話銀行用呢類生物認證科技前，要仔細評估有關技術嘅操作風險，而且銀行需要通過雙重認證，先可以進行存款轉賬等高風險交易喎，即係暫時都好安全啦。
成日提醒銀行注重風險嘅金管局又點睇呢？發言人就話銀行用呢類生物認證科技前，要仔細評估有關技術嘅操作風險，而且銀行需要通過雙重認證，先可以進行存款轉賬等高風險交易喎，即係暫時都好安全啦。