鄭欣宜同許廷鏗噚晚到電視城錄影《勁歌金曲》，對於無線會Cut一回優秀選，欣宜就覺得做歌手多一個平台宣傳係好事，如果屬實就覺得可惜。對於近日少咗現身TVB，未知係咪公司主力捧鍾嘉欣有關，欣宜就說：「自己冇留意，我嚟緊十月都會出碟，啲歌都錄得八八九九，依家錄哂啲歌，而且亦都忙6月1日媽咪個騷，到時我有半個鐘頭Solo表演時間。」

對於6月1日媽咪個騷，欣宜就堅拒透露表演內容，但承認都練得好辛苦不過好Enjoy，佢亦有份同大家一齊商量表演嘉賓，當中草蜢、汪明荃同任賢齊都落實上台表演。
問到係咻有邀請父親鄭少秋時，佢就表示爹哋到時唔喺香港，原本想邀請兩位妹妹嚟，但因為佢哋一家人去旅行，所以就未有成事，佢表示：「前幾日同爹哋食飯，有同佢講表演啲嘢，自己好希望第日出DVD時，會畀驚喜爹哋。」





逢周五隨《蘋果日報》附送嘅時尚美容雜誌《add》第四期今日出版；拎唔到書嘅朋友，可以上番《add》嘅官網 http://add.appledaily.com睇番足本網上版，除咗有陳妍希專訪，仲有好多時裝靚嘢睇！