有時，做仔女嘅諗送咩母親節禮物畀媽媽都相當頭痕，送花呀朱古力呀又太普通，送名牌手袋又會畀阿媽鬧嘥錢。喺英國，效力曼聯嘅拉舒福特就搵咗樣唔普通，但又唔洗錢嘅禮物畀福媽，就係佢喺上周六擊敗利物浦嘅比賽，獲選最佳球員嘅獎項喇！

其實福仔自上年12月已經無幫曼聯入過波，加上阿歷斯山齊士加盟後，就更加少出場機會。不過，上周六「雙紅會」被領隊摩連奴委以重任，擺上正選陣容，梅開二度帶領球隊贏波之餘，更被英超賽會選為當場最佳球員。事關周日係英國當地母親節，福仔賽後就喺個人ig上載咗一張福媽拎住最佳球員獎項嘅相，仲打住「多謝你做嘅一切，祝母親快樂，最好嘅禮物！」，果然係一個考順乖仔。

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1