【愛唱K】杏兒技癢晒歌喉 黎姿唱《一首獨唱的歌》：希望冇嚇倒大家

蘋果日報 2020/06/19 11:52

黎姿胡杏兒
    你又唱K、佢又唱K！港人因疫情不能外遊，又減少社交外出，早前爆出唱K群組染疫，醫生指卡拉OK屬高危活動，相對容易互相感染。政府限聚令放寬，經民聯立法會議員梁美芬昨日即上載影片，牽頭唔戴口罩，領唱洗腦歌《點解要攬炒》狂loop歌詞，8人唱到口沫橫飛，七情上面，可想而知，識咬字發音都可以隨便唱㗎啦！何況係一眾藝人歌手，冇表演咁耐亦會有啲技癢。
    黎姿今日在IG貼出一條唱K片，原來佢早前同朋友短敍時，她唱出關淑怡金曲《一首獨唱的歌》，她笑言：「那晚大家興高采烈，就連唱K給朋友錄影我亦不為意。很久沒有聽自己的歌聲，勾起白恤衫的時候，希望這片段沒有嚇倒大家。」黎姿回想當年經典歌《白恤衫》。黎姿罕晒唱歌片即吸引歌后級Sammi及Joey回覆，Sammi指黎姿大開金口，黎姿禮貌回應：「在妳面前獻醜了！」而Joey則寫道：「呢首歌對我都好重要㗎！」因為Joey於1995年憑關淑怡的《一首獨唱的歌》贏了唱歌比賽金獎及正東唱片歌手合約，正式入行，對Joey來說，特別有意義，難怪黎姿回覆：「真係要跟妳學唱呢首歌。」
    而曾做歌手的胡杏兒亦在差不多時間在IG貼出唱K片，近年努力在大陸市場發展，她選了唱一首國語歌《她說》，希望大家喜歡，見她緊皺紋頭、閉上雙眼，非常肉緊，唱高音時更投入到出咗鏡頭都唔知，不少網民都讚好聽。杏兒於2004年首次唱《1+1》，登台時獲林峯及林保怡稱讚，杏兒曾簽唱片公司Neway Star，她在2011年退出樂壇後，則以業餘歌手身份繼續唱歌。
    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    empty
    黎姿貼出一條唱K片，唱出關淑怡金曲《一首獨唱的歌》。（網上圖片）
    empty
    見她也唱得相當肉緊。（網上圖片）
    empty
    而曾做歌手的胡杏兒亦在差不多時間在IG貼出唱K片。（網上圖片）
    empty
    見她緊皺紋頭、閉上雙眼，非常肉緊。（網上圖片）
    empty
    唱高音時更投入到出咗鏡頭都唔知。（網上圖片）
    empty
    梁美芬牽頭領唱洗腦歌「點解要攬炒」 七情上面。（網上圖片）