NBA總決賽Game 5即將上演（樂視今日9:00am直播），勇士回師Oracle Arena佈軍迎戰騎士，力爭兌現3:1優勢再奪總冠軍。呢場萬眾矚目嘅賽事一票難求就唔在講，但如果有機會買到兩張場邊靚位嘅門票，你又願意真金白銀出幾多錢？有美國球迷嘅答案係：104萬！

據美國《ESPN》報道，一位勇士季票持有者周日喺球隊售票網頁出讓兩張場邊門票，結果以13.3萬美元（約104萬港元）成交，淨係手續費已經佔1.7萬美元，認真「乸脷」！另外，據球隊售票網頁顯示，Game 5門票平均售價為1,731美元（約1.35萬港元），亦比去季Game 5高出接近兩成，睇嚟勇士迷好有信心球隊今場能夠「埋單」K.O.騎士封王，即管睇吓最終能否如願以償？