由韓國影帝宋康昊、劉海鎮、柳俊烈等主演嘅《逆權司機》上月喺韓國開畫，票房一直好火爆，上映個多月吸引到逾1,200萬嘅累計觀影人次，仲成為今年喺韓國首部衝破千萬人次嘅電影，而上周四《逆權司機》喺香港上映，更贏盡口碑。

而韓國傳媒今日就公開「2017年大眾文化影響力」頭30位名單，當中宋康昊就鍊贏一眾單位，成功登冠軍，第二位為憑出演選秀節目《PRODUCE 101》而出道嘅限定男團Wanna One、第三位係JTBC新聞主播孫石熙。

第四位至第十位為曾製作《一日三餐》、《花樣》系列嘅金牌製作人羅䁐錫、《太陽的後裔》編劇金恩淑、性感歌姬李孝利、大勢男團BTS(防彈少年團）、《鬼怪》男星孔劉、《玉子》導演奉俊昊、《有品位的她》編劇白美瓊。

而第11位至第20位為SM事務所老闆李秀滿、綜藝節目主持姜虎東、綜藝節目主持李尚敏、作家柳時敏、歌手尹鐘信、YG事務所老闆楊賢碩、《有品位的她》女星金喜善、「國民MC」劉在錫、《秘密森林》編劇李秀妍、人氣女團TWICE。

第21位至第30位為電影發行公司代表柳振勳、CJE&M音樂事業部門高層申型冠、CJE&M代表理事金聖洙、綜藝節目主持金九拉、CJE&M導演安俊英、南韓總統文在寅、MBC導演金泰浩、《逆權司機》劉海鎮、《三流之路》男星朴敘俊、歌手IU及電視人徐章煇並列30位。