當年今日

「個男人咁核突,係就全家死」
姚樂怡發毒誓否認酒店陪客

蘋果日報 2002/01/25 00:00


昨日有報道指姚樂怡日前在中山登台後,和一名內地男子David同房,昨日姚樂怡發毒誓否認此事,並揚言若真有此事,她便絕子絕孫全家死。
昨日有周刊報道指姚樂怡在本月十八日,赴中山DDClub登台期間,與一名為David的男子在酒店同房。

裝束性感
報道指姚樂怡跟無綫前幕後工作人員陳先生及父親同行,並在登台時穿着性感小背心,受全場觀眾熱烈歡迎,完騷後,姚樂怡與陳先生及一名四十歲內地男子David同往中山國際酒店,並先後進入同一房間,後姚樂怡和David同房,及後記者衝入房間,就只見一個穿着孖煙囱的男子站在衣櫃前,但記者查看房內卻未見姚樂怡蹤影,估計姚樂怡躲在衣櫃內。

父女同房
昨日姚樂怡在電視城開拍《皆大歡喜》,甫見記者便狂呼冤枉,而且愈講就愈㷫,誓言會追究此事,還她一個清白。姚樂怡說:「見到篇嘢就嘔血,真係想死,篇嘢又冇相,影到我同個男人合照都話畀你屈,就算屈都屈個好啲,個男人咁核突,嗰晚我同我Daddy一間房,返房之後我都冇出街,第二日八點半通告,我五點半就坐車走,如果我係做啲咁嘅嘢,做完就即刻走,重等乜呀!」

「生愛滋死」
只見姚樂怡愈講愈火滾,忍不住要發下毒誓,她說:「寫呢篇嘢嘅人都離譜,好似寫鹹書咁,乜嘢呻吟三十秒,重話享受呢刻嘅時光,𠵱家我發誓我有同嗰個男人『咩』,我就絕子絕孫!如果件事係真我就全家死,係假就佢死,重要手爛,俾車車死,生愛滋死,絕子絕孫,睇吓邊個長命吖!中山呢個場,陳啟泰同李惠敏都上過唱,唔通佢哋都有事!」
採訪、攝影:楊潔雯