韓國男星權相佑係圈中出名嘅愛妻號，錫老婆又錫仔女，而佢嗰位演員老婆孫泰英能夠得到權權嘅心，當然有原因，其中之一就係有愛心，識得以身作則做子女嘅好榜樣。

記得上年孫泰英大住肚都要參加送炭活動，當時有權權陪佢，到咗今年，雖然冇權權陪，孫泰希都照舊參加，而且仲係第四年㖭！

今日孫泰英喺Instagram公開咗幾張佢喺首爾馬川洞出席送炭活動嘅相，當地天氣依然凍，好彩有出太陽咋，孫泰英同事務所嘅同事，以及一班義工，齊心合力夾手夾腳傳送媒炭，幫助有需要人士度過嚴冬，孫泰英仲不時露出笑容，完全唔怕污糟同辛苦，呢個老婆，權權果然冇娶錯。