【冧女有計】林敏驄突然變怕羞仔 作狀錫許瑋甯手仔

蘋果日報 2017/09/24 15:15

許瑋甯林敏聰紅衣小女孩2
    許瑋甯噚晚喺九龍塘出席《紅衣小女孩2》謝票，林敏驄入場欣賞兼做神秘嘉賓，阿驄一見靚女就表現怕羞，佢話：「真人太漂亮，演得很好，其他演員都比下去了。好想同妳合作，就這樣決定吧。」佢哋仲兩度握手，林敏驄作狀錫錫，其實錫嘅係自己隻手。
    《紅》電影上映3日票房100萬，許瑋甯話好滿意同開心，問到會唔會有第3集？佢話：「有的，不過我的戲份已完結，但我不會覺得可惜，留給其他演員，若再拍我怕我會瘋掉。因為太可怕了，自己是不看鬼片、鬼故事，但為了挑戰自己最怕的事情，拍完一集很快又簽了第二集，所以硬着頭皮去拍。」許瑋甯拍呢套嗰陣要減肥10磅，佢話：「我35天沒有吃飽，人們在吃飯我便躲起來，現在可正常地吃。」
    許瑋甯同阮經天分手後回復單身，講到好姊妹林心如話因為冇一個男人比佢老公更好，所以介紹唔到男仔畀佢，許瑋甯就話：「不會，她幸福就好了，她老公對她真好，我們相處是開心聊聊天，沒有說要介紹男友。」佢話現在專心工作，對揀男友都冇乜條件，感覺啱就得，最緊要係一個有膊頭嘅男人。」
    empty
    林敏驄主動握手。
    empty
    扮錫
    empty
    keep住握手
    empty
    許瑋甯與阮經天分手後回復單身，坦言希望搵個有膊頭嘅男人。
    empty
    林敏驄入場欣賞兼做神秘嘉賓。
    empty
    許瑋甯噚晚去謝票。