究竟有冇片？黃浩話佢講得就會講，至於當晚飯局上究竟發生咗乜嘢事，黃浩就話﹕「我依家係好無奈，因為我真係唔在場。」佢承認VIP房有閉路電視，但因為尊重客人私隱，佢唔會無端端去睇片、睇吓房裡面發生乜嘢事。

黃浩又話，佢曾問過經理，當日房內係咪有人做過非法嘅嘢？「呢個係好嚴重指控，話傳到有錄影帶喎﹗點解我唔知0架﹗知情不報係犯法，你(經理)點都要通知我0架，點解冇人通知我0架。」黃浩歸咎於當日負責嘅前員工冇交代發生咩事，而經理亦已經搵唔番呢個前員工。

黃浩重申冇前員工用條片勒索過佢，但就謂﹕「係有人恐嚇過我，但咩事就真係唔講得。」