【第21屆亞姐--忽然姓賴】被喻為A貨李嘉欣的候選亞姐2號王希瑤，早前被本報踢爆她變臉兼僭建上圍，前後花了9年時間，由原來貌似容祖兒變成現在的上圍逼爆巨乳嘉欣。對於整容及隆胸傳聞，王希瑤昨日出席亞姐活動時一時辯稱不是相中人，一時又指自己記性差，忘記讀過甚麼學校，甚至擺台灣天后蔡依林上枱，她說：「蔡依林教人整個上圍，有三部曲，你哋冇睇過咩？」實行賴得就賴。

為宣傳後日在亞視大埔總台舉行的亞姐港澳賽區賽事，12位候選亞姐昨日在九龍灣E-Max泳池進行水上競技大比拼，她們穿上大會安排的兩件頭泳衣出場，與三名亞視男藝員劉家聰、蒲進及甄思羽在水中嬉戲，大玩執波仔、射水球、水上單車及射水槍等。一班候選亞姐玩得不亦樂乎，令泳池變得「碧波蕩漾」。

「今日仲有暈暈哋」

不過自7號仝曉燕退選後成為亞姐頂頭大熱的2號王希瑤，昨日再次穿泳裝示人時上圍竟忽然縮水，反而上圍只得32寸的3號莫曉菲身材突然出眾，顯得自信十足的她，搶盡王希瑤及其他佳麗的風頭。
早前本報圖文並茂踢爆原名王容容的王希瑤疑整容兼隆胸，在澳門出生後移居台灣的她，被發現在台灣就讀建成國中時，是平面方角口面，樣貌勁似初出道時的容祖兒，其後王希瑤投身模特行列不但樣子漸變，而且身材也由平平無奇變成奇峯突出，經過9年時間的修整，將自己變成A貨李嘉欣。
王希瑤被踢爆疑似整容隆胸當日，即以生病為由缺席亞姐宣傳活動，昨日她終於現身宣傳，但她否認當日是被報道嚇壞而病倒。王希瑤說：「我今日仲有少少咳同暈暈哋，反正都唔係事實，我唔驚。」

「我記性真係好差」

提到被翻出昔日的學生相和舊照片，王希瑤否認是相中人，她說：「都唔係我，我爹哋拎番以前張相出嚟睇，都話嗰個唔係我。」記者再追問她指那一張相不是她時，王希瑤竟又扮失憶說：「有啲相唔係我，我唔記得邊張喇，咁多相，我真係唔係好記得，其他人都唔記得。我又讀過咁多間學校，我記性真係好差，今日你哋同我做訪問，聽日我就唔記得晒。」
現場有記者忍不住問王希瑤會否不記得自己的樣子時，她即笑說：「唔會唔記得，蔡依林都72變，咁我都係18變。」之後又不停反問記者她現在靚不靚，然後又將話題扯到蔡依林的胸脯上，她說：「蔡依林教人整個上圍，有三部曲，你哋冇睇過咩？」想不到王希瑤為求甩身，竟然將台灣天后蔡依林也拖落水。
採訪：楊潔雯　攝影：黃偉雄
各位讀者如果認識十二位亞姐，知道她們的底細，歡迎電郵mailto:[email protected]報料。

娛樂資料庫：Acup少女變G奶天后

被疑似整容兼隆胸的2號王希瑤拖落水的台灣天后蔡依林，早年出道時臉頰圓潤，輪廓扁平，上圍更只有平平無奇的Acup，但近年她除了離奇變成驚人的G奶外，五官輪廓變得清晰有立體感，鼻樑又高又挺，連嘴唇也變得豐厚性感，故多次被指經人工修飾。