功夫是要迫出來的，就連練馬一向不急進的胡森，要認真谷起馬匹狀態，原來也可做到快、靚、正，近期出試的胡廐馬，大多見馬身收好有線條，試來力度亦夠，更難得是向來胡森的馬早課比較急口，不少為晨操之星，按理季初會更加霎眼嬌，但以「勁勇威龍」、「索咖啡」、「風采」及「好易揾」最近在我眼前走過，均見力在腳而不在口，初出已派用場。
早前我曾提過，馬匹季初試閘切忌韁口太急，到正式出賽會難以操控，但以「勁勇威龍」暑期後兩次試閘，均見李富甫起步便捉到實留前鬥後，未見出現人馬角力，到拉士抽出外檔望空，第一課肯追但稍欠氣勢，到周三朝拉士200米鞍上人稍畀，三兩箭步即在外叠湧上，展現一分鋒利感，結合積極操練安排及理想進度，「勁勇威龍」初出必揀。

詳盡內容可留意明日<<蘋果日報>>及蘋果馬網 http://hk.racing.nextmedia.com