【睇通睇透】試閘掩藏實力!三歲仔密謀即勝 (魯賓遜)
魯賓遜睇通睇透七星拱照
新晉練馬師麥菲文,今季暫時贏得五場,其中三Win來自今季才上陣的質新馬「飛霸龍」及「好吉利」。今期日賽(17日)麥菲文兩匹初出馬都有備而來,第一場「七星拱照」有力先拔頭籌。
第一場四班1000米,三歲馬「七星拱照」今年四月在澳洲試沙地900米大閘,出閘後應聲彈出,貼欄一放到底,當日的鞍上人在直路緊扣韁繩,亦輕鬆贏兩個馬位,走勢有前有後,腳法相當成熟。
「七星拱照」是八月出生的早胎馬,成熟程度甚至好過部份四歲馬,加上血統啱跑短途兼且表現早熟。來港後試過兩次閘,都是跟馬群跑,真正實力暗藏於密,狀態卻已經有爭勝水準,今場四班賽對手唔強,此駒有權一出即勝。
同場「生力軍」上場跑1200米,前段步速慢不利後追,末段造22秒73快時間交出好走勢,今場不宜對牠掉以輕心。「精益求精」今年三月在新西蘭贏過800米試閘,當日在直路從外欄追上,來港後試閘亦見肯追,鬥心不弱,狀態初起亦要兼顧。「辣辣椒」表現忠心但難贏,近期勇況依然。