【中超大亂鬥】挑起群毆有手尾跟 奧斯卡件Tee有嘢講？
蘋果日報 2017/06/21 15:37
中超侯克奧斯卡杜斯山度士廣州富力上海上港
奧斯卡（左）着件咁嘅Tee，係咪有嘢想講？
巴西中場奧斯卡杜斯山度士嚟到中超上海上港，爭勝心一樣夠晒熾熱，講緊佢喺周日中超聯賽作客廣州富力踢成1:1場波，臨完半場引發大規模衝突，喺中圈附近兩次將個波省落對手身上，最終搞到自己、隊友傅歡同敵軍李提香3人齊齊被逐。唔好以為大牌球星就有特權，據報中國足協已經要求3位「紅牌阿姑」，以及另一富力球員陳志釗出席紀律聆訊，不過由於周中有足協盃比賽，所以4位球員將會委託代理人訪京解畫。
咁啱上港前鋒侯克周三喺ig上載自己同陣中另外3位外援合照，包括奧斯卡、艾傑臣同葡萄牙守將卡華路，其中奧斯卡有咁多衫唔着，喺呢個敏感時刻着上一件「無事可做，無話可說」（Nothing to do, Nothing to Say）嘅T裇，係咪以沉默回應即將面臨嘅刑罰？
奧斯卡（右）喺周日聯賽挑起衝突，隨時有手尾。