日本樂壇天后安室奈美惠趁40歲生日宣佈明年9月16日全面引退，近日有報道指安室早在公開引退消息前曾秘密會恩師小室哲哉，懷疑兩人會最後一次合作。

安室當年獲小室一手捧紅，今次兩人商討合作，消息人士透露師徒合體嘅新歌有啲似《Don't wanna cry》，大有機會收錄於11月安室推出嘅精選碟《Finally》。與此同時，精選碟點題新歌《Finally》獲起用成為NTV電視台新聞節目《NEWS ZERO》全新主題曲，為節目擔任主播嘅人氣女星桐谷美玲都話十分光榮：「我係安室嘅超級粉絲，又會去睇演唱會捧場，至於為《NEWS ZERO》擔當主題曲真係好開心，《Finally》這首歌名對安室來說應該亦意義重大，這曲同節目一起令我感到好榮幸。」