不過，據聞佢近日搵到兩條大陸「水喉」，運氣似有轉機喇。上星期四就有人見佢同埋兩個疑似內地大款嘅人，去到佢有份做榮譽主席嘅筲箕灣《成報》總壇，視察業務。華華收到風，楊家誠同緊內地有名嘅地產大款傾偈，據講斟緊嘅內地地產商級數同復地有得揮。如果傳聞屬實，斟盤雙方落實合作，伯明翰有望變身為具內地背景嘅首支英冠球隊。
球隊班到水，咁《成報》又點？據講先前被裁嘅員工，原本返到8月5號就lastday，但近日陸續接到復職通知，舊嘅唔使走之餘，仲請番啲新嘅人，似有新水喉入嚟，而新水源據聞係嚟自廣東省某大南方城市嘅傳媒機構，仲話短期內會有公佈。雖然話唔使執包袱住，但好多《成報》員工仍然半信半疑，部份之前要食無情雞嘅人，就算接到復職通知都索性唔做，可能見過鬼怕黑啩！
李華華
mailto:
[email protected]