林二汶今日喺商台宣傳國語碟《ONTHEGO》，佢話今次張碟係請咗高人指點，對方話碟名最好由三、六或九個字組成，初初諗住叫：「我第一隻國語碟出喇」，但感覺又太清晰，之後就揀咗呢個英文名，佢笑話其實都幾奇怪，國語碟但用個英文名。

林二汶話做人有好多階段，最近佢參加咗個朋友婚禮，聽到新郎多謝父母同岳父岳母，自己都跟住一齊喊。

林二汶又話今次好開心有兩首歌得到倫永亮寫，今次係大家第一次合作，佢話：「初初未識佢，我都唔敢同佢講笑，合作後就笑到癲左，有首歌錄到第7take，我唱錯咗一隻字要再錄過，自己都忍唔住對住個咪講粗口，因為要從頭嚟過，但係倫永亮好好，佢又冇嘢。」

林二汶話之後即刻請左對方食飯答謝，大家去咗食潮州菜。