男神余德丞昨晚於西營盤中山紀念公園球場踢波，其間感不適到場外一張長椅休息，未許即暈倒。其時27歲姓黃波友見狀，連忙報警。余其後由救護車送往瑪麗醫院搶救，目前情況危殆。其母親及經理人分別於11時10分及近12時抵達醫院，了解情況。

據知，余德丞昨晚乃參加由業餘足球賽「友盟草地7人足球聯賽」，余德丞與朋友組成「何文田中央陸軍」參加賽事，昨晚他們與「R League」比賽，9時30分開波，有指余德丞於上半場，踢了十多分鐘，已感不適，要求換人，之後他便到場外的長櫈休息，其後便暈倒，隊友發現時報警，送他到瑪麗醫院搶救。據了解，余德丞於10多分鐘的賽事中，並未有與其他球員發生踫撞。

而《蘋果》今早就聯絡過聯賽的聯絡人沈先生，他表示：「球證講番佢上半場踢咗10幾分鐘，就換人，行咗去場邊休息咗一陣就暈咗，係好突然，就由在場人士送咗去醫院，噚晚聽佢啲隊友講無乜嘢，係有心跳，送去醫院做詳細檢查，依家就睇到傳媒話佢唔係咁穩定。」

沈先生透露余德丞參加該聯賽已經有3年多，而該聯賽舉行至今從未發生意外。問到是否球場太焗，令球員有機會身體不適，他指：「嗰個球場係海邊，好通風，通常球賽大概係10點踢，係唔算高溫，噚晚都唔過30度，冇聽過球員出過事，今次係第一次發生罕有事件，平時球賽係冇醫護人員在場，我哋嚟緊會研究。」

此外，曾是香港泳隊成員的余德丞曾接受訪問時透露，小時候患有哮喘，當時醫生建議他游水，自此努力練水，但到小學四年級參加學界比賽，仍要當後備，當時他並不甘心，勤力練水，終於有好成績，最後更加入港隊，並於04、05年出戰澳洲國際泳賽。