今朝（14日）為周日（17日）之戰各路人馬的最後試跑，其中騎師潘頓一早到場試馬，他最近次次有馬贏，近期手風順，但晨課亦不遺餘力，似乎贏完騎師錦標賽後，仲想挑戰雷神嘅蟬聯冠軍騎師的寶座。此外，梁家俊及賴維銘兩華將亦表現落力。

馬匹方面，《蘋果》晨課專家積奇表示告東尼馬房的「幸福分享」在晨課表現不錯，今早由蔡明紹胯下戴頭罩跳兩段，馬身收得更靚，茁壯紮實，走過步頭急密，神態活躍，角逐興趣甚濃，狀態起得更好。

上仗僅負灰色新星「平湖之星」半馬位，周日夥拍蔡明紹角逐第十場二班1400米，肯定會是爭勝分子之一。