每次睇排完位，覺得刨馬太多資料好花精神？有太多心水馬驚本太大，回報率變低冇肉食？

如果各位馬迷有上述憂慮咁就啱，《蘋果動新聞》今日（30日）下午六點半，將推出全新節目《今晚Tip馬夜唔夜》，當然Facebook、Youtube及果燃台三台亦會同步直播。

每次《今晚Tip馬夜唔夜》都有三位年輕馬評人，幫馬迷逐場逐匹點評整懶人包，唔使自己刨得咁辛苦，今次就有賽馬節目主持兼評馬人黃楨淘、《張凌良-GM》評馬人GM張凌良、《競馬知舍》評馬人DW。

其餘馬評人就有《競馬知舍》兼《馬後炮》主持Dylan、《競馬知舍》兼《競馬Fact Check》評馬人Steven、《競馬知舍》Homan及《競馬知舍》Poli，稍後都會輪流登場。

今次為咗令佢哋參與度更好、貼士更準，每逢月底都會選出「每月Tip馬之神」，並取得現金獎。

上期阿淘敲中「孖寶兄弟」及「合拍威龍」構成逾千蚊連贏，加上「文武傳奇」與「扎西德勒」$25.5嘅位置Q，聯同佢嘅投注，暫時以3,878分領先其他對手，1月份還有五期賽事，形勢未算一面倒。

「每月Tip馬之神」賽制將會分黃楨淘、GM張凌良及《競馬知舍》三個持份者，只會計算各持份者最佳三個賽日成績（以心水賠率作計算），最高分嘅持份者將會取得現金獎，務求令佢哋貼士更準確，唔會放流料！
-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇