【信任男友】鄧麗欣因疫情受盡相思苦 互報行蹤維繫感情
蘋果日報 2020/06/11 22:24
男友鄧麗欣隔離金都
導演黃綺琳憑以婚姻為話題的電影《金都》奪得第39屆香港電影金像獎新晉導演，令該戲成為電影界焦點，主演的鄧麗欣（Stephy）及朱栢康今晚在尖沙嘴出席《金都》首映禮，出席者還有導演黃綺琳、林二汶、許素瑩、陳俞希及麥子樂等。
Stephy表示該戲因為疫情及各種原因延至今晚才舉行首映，自己十分期待，她更已吩咐朋友及家人入場支持谷票房。朱栢康指首日票房成績理想，不擔心票房壓力。
《金都》於台灣早已上映優先場，Stephy指男友王子（邱勝翊）早已看過，男友是否讚好看到不得了？Stephy笑說：「梗係啦，今次對佢嚟講係好大突破，因佢好怕睇我演親熱戲，佢今次竟然冇去廁所。」Stephy坦言跟王子沒有討論過婚姻話題，對於男友曾在訪問表示希望40歲前結婚，Stephy尷尬說：「係講我定講佢？佢距離40歲仲有好大距離。」對於會否幫男友完成心願，Stephy回應：「佢呢個心願係同人哋講，又唔係同我講，可能當時佢係被迫逼，一切順其自然。」
因為肺炎疫情，Stephy與男友分隔港台兩地，Stephy苦訴自農曆新年至今，她與王子也沒見過面，Stephy說：「自己都冇辦法，係大環境問題。」雖然分隔兩地，受盡相思之苦，Stephy表示不用追蹤男友行蹤，Stephy說：「佢係有責任感嘅人，大家會互相報告行蹤，會視像通話，都係獲得信任嘅因素。Stephy表示這段期間不敢說二人感情昇華，只可以說能維繫到。」對於是否待開關便第一時間飛台灣見男友，Stephy笑言：「衝過去？都唔一定，我事業為重，大家都有工作，睇吓到時邊個得閒。」
林二汶為《金都》主題曲作曲兼任監製，更於第39屆香港電影金像獎擊敗金培達、波多野裕介等作曲人，奪得最佳原創電影音樂，她在戲中亦有份演出，二汶表示很久沒有出席宣傳活動，又笑言：「做配樂嘅時候，睇返片先至知道自己有份演出，發現自己真係做得幾差，有啲可以做得好啲。不過演戲幾好玩，自己嘅志願係獲得提名最佳女配角，演出五分鐘就夠提名資格，不過今次冇份，自己好享受演戲過程，有機會再試。」二汶原先計畫的演唱會，將延遲至今年年尾於九展舉行2場，二汶表示原先海報已拍好，但因為疫情而延後舉行。
另外，《金都》周四上映，以23.6萬元票房成為單日票房冠軍，導演黃綺琳接受《蘋果》訪問時話︰「戲院封咗一半座位，限聚令都未過，所以有呢個數其實都好滿意。希望最終票房平衡到首部劇情畀嘅資金325萬一樣就好開心嘞，至少冇一個回本壓力。」她話套戲題材貼地故事關於香港人，相信是吸引觀眾入場原因，因為預算所限，所以拍攝時都要「執生」，她笑說︰「劇情講到Stephy要返福州，因為我哋唔係合拍片，攞唔到上去拍攝嘅批文，又冇咁多預算。最後搵咗觀塘同沙頭角嘅景扮福州，會有大概十分鐘戲份。拍嘅時候因為香港嘅燈柱都好有特色，每條柱都有編碼，所以我哋要用啲棉胎遮住。」資深舞台劇演員朱栢康首次擔任電影男主角，他接受電話訪問時半開玩笑話︰「其實我估到，《金都》票房一定好好，我同導演講應該收3,000萬。」
開畫票房第二位，不計重映的《蝙蝠俠-黑夜之神》（The Dark Knight），是講述打黑警的俄羅斯電影《睇你幾時死!》（Why Don’t You Just Die!），首日票房7萬元。
採訪：張明、攝影：葉君海
《金都》男女主朱栢康、Stephy出席香港首映禮。
因為疫情關係，電影要延遲到今日才舉行香港首映，眾人都期待。
電影講婚姻，Stephy都避唔開話題，她說已經有4個月沒見過男友。
林二汶為電影創作音樂，又有參與演出，她笑說做配樂時才知自己有份演。