大膽男賊在賣閉路電視舖頭偷手機！下午近5時，深水埗「深之都」商場一間專賣閉路電視及網絡鏡頭(IPcam)的店舖，負責人Jerry執貨期間，手機不慎跌落地，男店員遂執起手機放在店舖的玻璃櫃上。數分鐘後，Jerry赫然發現手機不翼而飛，遂翻看店內閉路電視錄影，揭發原來是被人偷走。

從錄影片段所見，一名身穿灰色上衣男子多次於店外徘徊，左盼右顧，其間注視玻璃櫃上的手機。他趁店員忙於招呼顧客時，走近玻璃櫃極速偷走，再施施然離去。

Jerry直斥賊人「大膽」，又指「佢(賊人)無視周邊環境，隻眼淨係望住個電話」，並笑言「我哋成間舖都係賣Cam，唔知佢係冇留意，定係明知都照玩」。Jerry認為賊人未必是慣匪，「如果專業起碼留意環境，有冇Cam影佢」。他續稱，店內IPCam及另一閉路電視均拍下整個過程，坦言賊人「好蠢，咁明目張膽，同事話（佢）係世紀笨賊，喺太歲頭上動土」。

不過，Jerry亦承認事發時手機亂放，引人犯罪，日後會檢討，盼市民看到該片後提高警覺防範小偷。

想睇最新消息？　即時follow【現場－蘋果突發】 fb！ http://fb.com/applecitycrime