男子100同200米世界紀錄保持者，牙買加「閃電」保特，喺上月田徑世錦賽後退役。近日佢去咗日本，出席商業活動之餘，喺今日去咗日聯球隊川崎前鋒探班，唔通想去日聯開始佢嘅足球事業？

保特喺周二身在京都，喺藝妓陪伴下出席商業活動，席間再次講到自己好希望可以成為職業足球員，同埋又想做下運動評述員。話咁快到咗今日佢已經由關西去到關東，今朝身在川崎前鋒球會訓練場，飛人到場成班球員梗係爭相要一睹佢風采啦，隊長小林悠做代表，同保特交換波衫，之後閃電仲親自落場，同班球員搓下波。