快活谷今早(30日)舉行八組試閘，多位馬主興致勃勃抽空到場探班，觀看愛駒出試，結果少數馬主卻出現敗興而返情況，相信他們自己也始料不及。

所講的是蘇偉賢馬房之「海洋王」，由羅理雅試第八組1000米草閘，馬主三三捌競馬團體幾位成員到場監督，由蘇偉賢親自招呼，但此駒莫講話有好走勢勝出，相反出閘未幾羅理雅就收停座騎，終點都過唔到，明顯羅理雅覺得馬兒有些不妥。蘇偉賢等人亦大為緊張，其後在馬匹亮相圈仔細檢查「海洋王」，廐主亦向馬主們解釋情況，但馬會暫時未公佈此駒有何問題。

4歲澳洲自購新馬「海洋王」服役曾兩戰，俱配雷神莫雷拉角逐田草1000米，均落第而回，如今看來此駒想交出進步表現取勝，還須等一段時間。

==============================================================
【minigame】2017瘋暈人物 返工打機唔使擇日
http://bit.ly/2CeWQkP