王菲、李亞鵬成立嘅「嫣然天使基金會」，今晚喺香港洲際酒店舉行慈善晚宴，楊千嬅同老公丁子高拍拖出席，一身黑色晚裝嘅千嬅，高貴典雅，蹺實丁生雙雙現身，幸福滿瀉。

千嬅坦言做咗媽咪之後，明白到小朋友嘅重要，故大讚王菲：「佢創立基金，好大功德，佢興建醫院，內地好多人有病，負擔唔到，所以我真心支持，幫到更多人。」

千嬅又謂曾有人建議佢搞慈善基金，但千嬅話唔想假手於人，免賬目不清而告吹。總之依家佢一有時間就做善事，同樣都係做好事。


逢周五隨《蘋果日報》附送嘅時尚美容雜誌《add》第四期經已出版，大家仲可以上《add》嘅官網 http://add.appledaily.com睇足本網上版。除咗有陳妍希專訪，仲有好多時裝靚嘢睇！