【爆相爆片】澳門太陽娛樂老闆周焯華（洗米華）經常陪「小三」Mandy Lieu蜜遊世界，足迹遍及英國、法國、泰國、日本等國家，日前兩人到內地尋開心，現身上海網球大師賽捧「瑞士天王」費達拿（Roger Federer）場，被《蘋果》讀者鍾小姐透過「爆相爆片」分享，洗米華更甘做阿四服侍Mandy開餐。

「喺會場周圍行」

當日是費達拿對阿根廷球手迪樸度（Juan Martin del Potro）的準決賽，洗米華和Mandy於晚上7時許抵達場館，鍾小姐在電話表示：「佢哋同幾個朋友嚟睇比賽，佢哋出現時球賽未開始，仲有半小時先開波，所以佢哋就喺會場周圍行吓，初時兩個都係刻意分開行，好似有啲避忌，但之後洗米華好照顧Mandy，帶咗Mandy去canteen買嘢食。」
坐擁億萬身家的洗米華，沒帶Mandy去VIP包廂食好西，反而在平民canteen排隊買上海地道食物，之後兩人各捧着幾碗食物去搵位，由於canteen裏面人頭湧湧，洗米華惟有隨便找有一張已有人坐的枱放下食物，鍾小姐說：「當時都幾多香港人認到佢哋，洗米華見枱面有上手食剩嘅碗碟，我聽到佢問：『有冇人嘅？』跟住佢就執走清咗張枱，兩個人share一碗嘢食。」
採訪：皓騫