韓劇《奇皇后》38歲女星河智苑早前忙完拍攝《追捕》，一直就處於休息狀態。

不過佢就好錫粉絲，不時更新Instagram同粉絲互動一番，近日佢就飛咗去歐洲旅行，仲不時將當地靚相同粉絲分享，三日前可見佢仲喺法國巴黎，不過今日佢已經去到英國倫敦，佢仲上載一張置身於倫敦Ham Yard Hotel嘅照片，留言：「London~good#wine」，似乎喺酒店嘆緊美酒。但係粉絲得知佢喺倫敦都好擔心，事關英國近期接二連三發心恐襲，河智苑喺呢個敏感時候飛咗去英國，粉絲自然擔心佢嘅安危。