當年今日

股海實戰錄:中海發展有轉機

蘋果日報 2002/01/03 00:00


今年首個交易日氣氛沉悶,港股成交僅27億元,恒指最後僅跌46點,表現已算唔差。
藍籌股大部分表現悶蛋,但科技股則十分搶鏡,特別係晶片股如品質國際(243)及生物醫藥股遠東生物制藥(399),兩者皆大升13%。趙飛雲最怕追寶尾,遠藥12月初至今,由1.38元升至昨日高位2.225元,升幅愈6成,9RSI已大超買。品質早前批完股炒咗一轉,最高升至3.50元,調整大半個月後,昨日藉晶片價格趨升炒高,過往呢類消息支持力短暫,好快就冇刺激。

1.26元博反彈
噚日國企指數跑贏大市,皆因石油股普遍向好,中石化(386)微升1仙,收1.08元。若升破1.12元,將按原先計劃加注。另外早前提過嘅中旅(308),噚日突破近期頂部阻力1.64元,收1.65元。睇勢似想向上衝,可惜噚日成交唔多夠,都係等佢回近1.59元先買貨。中海發展(1138)整固似乎完成,昨升3%,收1.28元。STC%K線於超賣區作勢升穿%D線,利好反彈,1.29至1.30元有短期阻力,最好喺1.26元附近吸納,走位可以靈活啲,不過若見大成交升破1.30元,都要先買1注。