「其實係憑良心做,無諗過賺錢,只係想搵多一條路可以共存。」都說有危就有機,一場疫情讓無數人丟飯碗,重操故業的Jovy,直言心態不同,反而有如創業般的滿足感,過去從無想過自己會厚着面皮cold call互換服務,今日他可以。「以前細個收人工去做清潔去收垃圾,依家換過方式去做清潔,覺得自己係幫緊人,心態好唔同。」過去兩星期,他就與拍檔拍住上,先後為寵物店、按摩店、健身中心、酒吧食肆和辦公室消毒。
「屋企養咗兩隻貓,寵物店送咗一大包貓糧畀我,健身室就換教練課程,至於酒吧食肆,就換到餐晚飯,辦公室無得交換,你請我飲杯水,我都好開心。」除了交換服務,團隊也計劃為基層免費提供服務。「知道呢段時間大家都艱難,諗吓計可以做啲乜,依家聯絡緊啲機構,希望代轉介老人家做家居清潔,兩個partners比我付出更多,佢哋要犧牲休息時間放假開工,不過佢哋都有正職,唔太方便接受訪問。」
社會動盪,人心在變,Jovy直言自己也變了:「以前係幾自私嘅人,依家香港搞成咁,見到係好心傷,我哋幾個朋友,一直喺度傾,想睇吓自己可以做到啲乜,香港人依家最需要嘅,就係互相幫助。」3人公司叫「時代空間消毒(互換服務/物資計劃)」,時代嘛,難免引來聯想,他笑說「無特別意思」:「如果你問我,我會話,生活喺呢個時代,我最希望嘅係為香港人加油。」靈活變通,互相幫忙,即將走進時代旋渦的香港人,你準備好未?
-----------------------------
反送中一周年,《蘋果》整理大量涉及警察濫暴濫權等資料,製成詳盡資料庫,請按此閱讀
圖表版本 /
純文字版本 -----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 -----------------------------
App內1-Click訂閱《蘋果動新聞》
按此了解更多