對於梁頌昕在機場疑以其父親梁振英作為特首獲得特權的風波，全國政協常委兼前政務司司長唐英年指，自己不了解事件，故不方便評論。

但唐補充，自己沒有試過在機場遺下行李而要返回非禁區取回，以往自己亦曾與子女說過，他們不會因為他是政務司長或財政司長而享有特權，他們與普通旅客沒分別，「佢哋從來都冇漏底嘢要出番嚟攞，我以前係CS（政務司長）時，我好清楚話畀佢哋聽，你（子女）係冇特權。平時我送佢哋機，去到門口，跟住byebye，佢哋全部自己一手一腳做番晒」。

對於梁振英曾表示與職員溝通時僅表示自己是頌昕父親，並無表明自己的特首身份，唐英年笑指：「我唔知頌昕有冇講過佢係梁振英個女喎！」而當記者追問，有地勤見到梁太唐青儀，都應該知道她是特首夫人？唐英年反問：「我唔知佢嗰日件衫係乜嘢顏色」。