周末（29日）十場泥草日賽，第三場四班草地1200米，有五駒初出，其餘七匹曾出賽馬中，只有四歲馬「噴火龍」識贏，前仗贏同程，克服 46.9秒偏慢步速，縱使只贏「精算齊同」、「歐洲巨星」及「活力勇士」等。

不過，單睇這三匹蹄下敗將，「精算齊同」再有上名、「活力勇士」隔仗入Q、「歐洲巨星」落五班補中，又差唔晒！

「噴火龍」贏開1200米，霍利時上仗卻安排增程跑1400米，挑戰難度失敗，與蹄下敗將「活力勇士」一齊輸，大摩周三（26日）安排後駒，再轉戰谷草一哩入Q，霍利時卻還原基本步，安排「噴火龍」復爭1200米。

由於隔近三周復出，改變操練方式空間不大，不變不代表唔好，反正早前「噴火龍」在相近操練模式下，都可跑得好，實在不必因上仗失準，貿然作出改變。

「噴火龍」唯一變是加綁脷帶，若無睇上仗賽後報告，可能會覺唔加好過加，然而上賽敗後李寶利表示牠呼吸太用力，無論是因增程跑得辛苦或如何。

說明這次加綁脷帶，原來是想幫助落場時呼吸能更暢順，若真的起到助力，交回前仗水準，同場對手要贏牠，並不容易。