【蘋聞追Click】直擊一天黃色經濟圈 中環OL近半消費撐黃店

蘋果日報 2019/12/21 00:05

蘋聞追click黃色經濟圈

要真正實踐黃色經濟圈,關鍵還是在消費者身上。自稱是深黃和理非的中環OL Sally(化名),9月開始全身投入「罷藍撐黃」行列,《蘋果》貼身追訪一日,從提早出門棄港鐵走路上班,到寧排隊亦要光顧黃色食肆,近半開支都用在黃店。她認為抗爭不止一種方法,只要肯去做人人都可養成習慣,「唔講得上好大犧牲,我哋啲和理非嘅冇乜理由唔做嘅。」
「平時返九點鐘咁上下,我八點三起身都得。」家住西營盤的Sally,過去一直乘坐港鐵到中環上班,但這個快捷又方便的交通工具,卻在幾個月間墮落成「黨鐵」。為了良知,她寧願每日提早半小時起床步行上班,「有陣時落好大雨好熱咁都會搭嘅,但而家天氣涼返啲可以唔搭就唔搭。」
早上時間中環選擇不多,不少由大集團經營的連鎖「藍店」,均曾是Sally的早餐之選,「Starbucks金卡我都有,唔係每日一杯都隔日一杯。」但既然選擇支持黃圈,再難戒都要戒,「直程唔飲囉,又唔係必需品嚟」,某間被認為是黃的快餐店就成為替代品,價錢未必較平,卻使她更心安理得,「做得幾多咪做幾多囉。」
午間的中環是另一個戰場,黃色食店猶如珍稀動物,訪問當天Sally就在其中一間等了大半小時始有位置就餐,承認有時不得不妥協光顧無表態食肆。拚命也要擠出時間,皆因中午必定要「和你Lunch」,數以百計同路人齊聚街頭喊口號、舉文宣,堅持站到回辦公室的死線,「老實講咁做對於五大訴求係冇咩進展,但係呢個地區有好多中立或者立場唔係咁堅定嘅人,文宣啊呢啲佢哋係真係會睇,都係一個(抗爭)方法嚟嘅。」
黃店指南列表中零售商戶數量不多,Sally計劃為外地家人購買聖誕禮物,可是錢應該如何花就是一大難題。放工後乘電車到銅鑼灣走了幾圈,最終決定幫襯看似中立的誠品書店及Uniqlo,「起碼冇話自己係藍先啦」,但翻看剛購買貨品的標籤,全都是「Made in China」,「真係要所有Made in China都唔買應該冇乜可能。」有心支持黃店小店的她,另外網購了一雙跳舞鞋及以反送中運動為主題的來年日曆,「多數係一啲本身我自己諗住買嘅嘢,咁睇吓有冇機會係搵到一啲舖頭係會義賣啊捐錢啊咁。」
採購過後終於迎來晚餐,豈料在銅鑼灣來回尋覓,先後兩間黃店都無開門,最終還是得餓住肚皮排龍門冰室,「呢啲就係有時你嘅堅持,有時都幾辛苦,因為真係搵嚟搵去,而有啲上晒名單嗰啲呢都好多人幫襯。」
一天下來埋單計算,Sally共花費2,625.2元,其中1,284元是用在黃色經濟圈裏,佔48.9%。她認為自己表現不過不失,雖然有時要多花時間,「但個犧牲都好細啫,少少唔方便咁我覺得可以接受。」她認為最重要是不同類型商店都找到替代品,整個圈可以自給自足才是持續之道,「抗爭唔係得一種方法,經濟都係好重要,呢幾個月已經有好多人好似我咁養成咗生活習慣,持之以恆我覺得係有得做落去。」
記者 佘錦洪
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此
empty
empty
一天下來埋單計算,Sally共花費2,625.2元,其中1,284元是用在黃色經濟圈裡,佔48.9%。