「我家清貧，兩份綜援三人用……，我好想有一部計數機。」樂仔在本報「童夢成真」許願表格中，如此簡單直接地道出家庭苦況與心中渴求。
當記者日前登門探訪樂仔時，十二歲的他顯得比較害羞，還謙虛地表示：「除咗數學科高分啲之外，我讀書成績麻麻，我冇讀書心得，淨係識畀心機。」
樂仔品學兼優
記者卻發現他上學期考獲全級第六名，數學科取得九十三分，其他科目亦成績優異，亦被老師給予「天資聰慧，名列前茅」的評語，顯示樂仔實在是一個品學兼優的好學生。
年過四十歲的單親媽媽樂母向記者細說：「樂仔同佢哥哥阿明一樣，由細到大都識得自己勤力溫習，唔使補習老師，我亦無錢畀佢哋補習。今年阿明考上大學，而且足十八歲，唔再攞到綜援，我要問朋友借成二萬幾蚊畀佢交部份學費，啲債有排還；𠵱家屋企又只得我同樂仔兩份綜援三仔乸用，真係好困難！」
樂母早年與丈夫仳離後含辛養大一對兒子，近年先後患上子宮頸細胞病變、腦瘤及骨質退化，貧病交煎。
刻下，樂仔只想有一部計數機配合學習上的需要，「𠵱家老師教緊點樣用計數機計出任何基數嘅多次方，例如3嘅10次方係幾多。我好希望有部計數機，可以跟得上學習進度。」
另一位與樂仔同齡的貧家孩子小麗就讀中一，父親是的士司機，受近年市道持續欠佳影響，收入不穩，連應付一家五口的生活亦感吃力，實難有餘錢購買課外益智書本給小麗三姊弟閱讀。懂事的小麗向記者表示：「爸爸賺錢唔容易，所以我每日寧願行路都唔搭巴士返學，行快啲半個鐘頭就返到學校。」